ტენინგის პირველი-მეორე დღე.

ინტელის სასწავლო ტრენინგი დავიწყეთ 2017 წლის 29 აპრილს. საინტერესო აღმოჩნდა ელექტრონული წიგნით მუშაობა. სასწავლო პროექტები განხორიელებული მაქვს, მაგრამ მზგავსი რესურსებით და აქტივობებით პირველად მიწევს მუშაობა, რაც საინტერესო და თანამედროვეა. სამუშაო საკმაოდ ბევრია.

პროექტები შესაძლებლობას იძლევა, სასწავლო აქტივობები დაუკავშირდეს ავთენტურ და ცხოვრებისეულ კონტექსტს, მოსწავლეებს განუვითაროს მაღალი დონის სააზროვნო უნარები და გაზარდოს სასწავლო პროცესში მოსწავლეთა ჩართულობა.

ეფექტური სწავლებისთვის და მოსწავლეთა სასწავლო პროცესში აქტიური ჩართვისთვის საჭიროა პროექტის გონივრული მონახაზის შედგენა და გააზრებული დაგეგმვა. ამ აქტივობაში მე განვიხილე და გავეცანი კურსის ფარგლებში სასწავლო ღონისძიებების დაგეგმვასთან დაკავშირებულ საკითხებს. ასევე, განვიხილე ძირითადი კურსის პორტფოლიოს შეფასების რუბრიკა. აღნიშნული რესურსები დამეხმარება პროექტის გეგმის შედგენაში, სასწავლო მიზნების მიღწევასა და სასწავლო პროცესში მოსწავლეების აქტიურად ჩართვაში.

ჩემი მიზანია, შევიმუშაო პროექტის პორტფოლიო, რომელსაც გამოვიყენებ კლასში და რომელიც სწავლის ხარისხის გაუმჯობესებაში, სასწავლო მიზნების მიღწევასა და მოსწავლეთათვის 21-ე საუკუნის უნარ-ჩვევების განვითარებაში დამეხმარება.

სასწავლო გეგმის შედგენაში მასწავლებლის როლი ბევრად უფრო დიდია, ვიდრე ინსტრუქტორის. მასწავლებლის ვალდებულებაა სწავლის პროცესის სრულყოფილად წარმართვა და, ამდენად, სასწავლო გეგმის შესრულება, შეფასება და შედგენა.

ტრენერის ინსტრუქციების მიხედვით, შევქმნი საქაღალდეებს ჩემს პორტფოლიოში. 

ამ კურსის ფარგლებში, შევქმნი და სრულვყოფ რესურსებს იმ თემაზე, რომელსაც ვასწავლით. სასწავლო პროექტი შესაძლოა გრძელდებოდეს ერთი კვირიდან რამდენიმე თვემდე და უნდა შეიცავდეს სასწავლო გეგმით გათვალისწინებულ საკითხებს.

მე საკუთარ სკოლაში დავბრუნდები დეტალურად გაწერილი და კოლეგების მიერ რედაქტირებული მზა პორტფოლიოთი, რომლის კლასში გამოყენებასაც უკვე ადვილად შევძლებ.